‘ஜிம் வீட்டிற்கு கொண்டு வாருங்கள்’ பிரச்சாரத்துடன் SLOVIC நிறுவனத்தின் பிராண்ட் தூதராக இணைந்த டைகர் ஷ்ராஃப்

சென்னை,  ஏப்ரல் 2026: இந்தியாவின் முன்னணி உடற்பயிற்சி உபகரணங்கள் மற்றும் விளையாட்டு பொருட்கள் நிறுவனங்களில் ஒன்றான SLOVIC, நடிகரும் உடற்பயிற்சி சின்னமாகவும் விளங்கும் டைகர் ஷ்ராஃபை தனது பிராண்ட் தூதராக அறிவித்துள்ளது. இந்த ஒத்துழைப்பை முன்னிட்டு, ‘SLOVIC: ஜிம் வீட்டிற்கு கொண்டு வாருங்கள்’ என்ற புதிய பிரச்சாரத்தையும் நிறுவனம் அறிமுகப்படுத்தியுள்ளது. வாழ்க்கை காரணங்களால் ஜிம் செல்ல முடியாத சூழலில், ஜிம்மையே வீட்டிற்கு கொண்டு வரலாம் என்ற கருத்தை மையமாகக் கொண்டு இந்த பிரச்சாரம் உருவாக்கப்பட்டுள்ளது.

இந்த பிரச்சாரம், உடற்பயிற்சி நேரம், இடம் அல்லது அணுகல் போன்ற கட்டுப்பாடுகளால் பாதிக்கப்படக்கூடாது என்ற நிறுவனத்தின் அடிப்படை நம்பிக்கையை பிரதிபலிக்கிறது. அது எளிமையாகவும், நெகிழ்வாகவும், அனைவருக்கும் எளிதில் கிடைக்கக்கூடியதாகவும் இருக்க வேண்டும். புல்-அப் பார்கள், ரெசிஸ்டன்ஸ் பேண்ட்கள் மற்றும் டியூப்கள், டம்பெல்ல்கள், அட்ஜஸ்டபிள் டம்பெல்ல்கள், யோகா மேட்கள் உள்ளிட்ட பல்வேறு பயனுள்ள உடற்பயிற்சி உபகரணங்களை வழங்கி, மக்களின் வாழ்க்கையை எளிதாக்கவும், இந்தியாவில் உடற்பயிற்சியை பொதுமக்களுக்கு எளிதாகக் கொண்டுவரவும் SLOVIC முயற்சி செய்து வருகிறது.

இந்த அறிவிப்பின் நேரமும் முக்கியமானது. உலக சுகாதார நிறுவனம் (WHO) வெளியிட்ட தகவலின்படி, 2022ஆம் ஆண்டில் இந்தியாவில் 49.4% பெரியவர்கள் போதுமான அளவில் உடற்பயிற்சி மேற்கொள்ளவில்லை. மேலும், டெலாய்ட் இந்தியா மற்றும் HFA அறிக்கையின்படி, 2024ஆம் ஆண்டில் இந்தியாவில் உடற்பயிற்சி மைய உறுப்பினர் சேர்க்கை வெறும் 0.8% மட்டுமே இருந்தது. இதில் முதல் 10 நகரங்கள் சந்தை வருவாயின் 56% பங்கைக் கொண்டுள்ளன என்பது, மெட்ரோ நகரங்களைத் தாண்டிய வளர்ச்சிக்கு மிகுந்த வாய்ப்பு இருப்பதை வெளிப்படுத்துகிறது.

எல்லா வயதினரும், பாலினங்களும் பயன்படுத்தக்கூடிய வகையில் உருவாக்கப்பட்டுள்ள SLOVIC, குழந்தைகள் முதல் ஆரம்ப இயக்கப் பயிற்சிகளை தொடங்குவோர், இளைஞர்கள் தசை வலிமையை உருவாக்குவோர், பிஸியான தொழில்முனைவோர் மற்றும் ஒழுங்கற்ற அட்டவணையுடன் வாழ்பவர்கள், மேலும் 50 வயதுக்கு மேற்பட்டவர்கள் வரை பல்வேறு பயனாளர்களை குறிவைத்து வடிவமைக்கப்பட்டுள்ளது. குறைந்த செலவில் அதிக பயன் அளிக்கும் தயாரிப்புகள் என்ற மதிப்புக் கோட்பாடு இந்த பிரச்சாரத்தின் மையமாக உள்ளது. மிகப்பெரிய அமைப்புகள் தேவையின்றி, எளிய மற்றும் மலிவான தயாரிப்புகளின் மூலம் உடற்பயிற்சி பயணத்தை தொடங்க முடியும் என்பதையும் இது வலியுறுத்துகிறது.

நடிகர் டைகர் ஷ்ராஃப் கூறுகையில், “உடற்பயிற்சி எப்போதும் என் வாழ்க்கையின் ஒரு பகுதியாக இருந்தது. அதனால் தான் SLOVIC நிறுவனத்துடன் இணைவது எனக்கு இயல்பான ஒன்றாக இருந்தது. உடற்பயிற்சியை எளிமையாக்கி, அனைவருக்கும் அணுகக்கூடியதாக மாற்றி, அதை அன்றாட வாழ்க்கையின் ஒரு பகுதியாக்கும் நிறுவனத்தின் நோக்கத்துடன் நான் இணைகிறேன்” என்றார்.

SLOVIC நிறுவனத்தின் இணை நிறுவனர் அகீப் முகமது கூறுகையில், “டைகர் ஷ்ராஃப் SLOVIC நிறுவனத்தின் பிராண்ட் தூதராக இணைவது, எங்கள் நிறுவனம் எந்த திசையில் நகர்கிறது என்பதை வெளிப்படுத்தும் ஒரு முக்கிய அடையாளமாகும். எங்களுக்கு, உபகரணங்களை விற்பனை செய்வது மட்டுமல்லாமல், இந்தியர்களின் வாழ்க்கையில் உடற்பயிற்சி எப்படி பொருந்துகிறது என்பதை மறுபரிசீலனை செய்வதே முக்கிய வாய்ப்பாகும். சுமார் ரூ.500 முதலீட்டில் டம்பெல்ல்கள், ரெசிஸ்டன்ஸ் பேண்ட்கள் அல்லது ஸ்கிப்பிங் கயிறு போன்ற எளிய உபகரணங்களுடன் வீட்டிலேயே தொடங்க முடிந்தால், உடற்பயிற்சி மேலும் பொதுமக்களுக்கு எளிதாகவும் நடைமுறையாகவும் தொடர்ந்து செய்யக்கூடியதாகவும் மாறும். இதுவே ‘ஜிம் வீட்டிற்கு கொண்டு வாருங்கள்’ என்ற கருத்தின் பின்னணி” என்றார்.

இந்த பிரச்சாரம் டிஜிட்டல் தளங்களில் அறிமுகமாகி, எப்போது வேண்டுமானாலும், எங்கு வேண்டுமானாலும் உடற்பயிற்சி செய்யும் சுதந்திரம், வசதி மற்றும் அணுகலை முன்னிறுத்தும் வீடியோக்கள் மற்றும் உள்ளடக்கங்களின் மூலம் ஆதரிக்கப்படும்.

SLOVIC நிறுவனத்தின் இணை நிறுவனர் ஷஷ்வத் தியேஷ் கூறுகையில், “SLOVIC உருவானதின் நோக்கம் உடற்பயிற்சியில் உள்ள தடைகளை நீக்குவதாகும். செலவு, வசதி அல்லது அணுகல் போன்ற எந்த தடையாக இருந்தாலும், அதை தினசரி பயன்பாட்டிற்கு ஏற்ற, உயர்தர மற்றும் நடைமுறை தயாரிப்புகளின் மூலம் தீர்க்க விரும்புகிறோம். டைகர் ஷ்ராஃப் பிராண்ட் தூதராக இணைந்துள்ளதால், எங்கள் எண்ணத்தை ஊக்கமளிக்கும் வகையிலும் பொதுமக்களுடன் தொடர்புபடும் வகையிலும் விரிவுபடுத்த முடிகிறது” என்றார்.

அமேசான், ஃப்ளிப்கார்ட், ப்ளிங்கிட், ஜெப்டோ மற்றும் இன்ஸ்டாமார்ட் உள்ளிட்ட முன்னணி இ-காமர்ஸ் மற்றும் க்விக்-காமர்ஸ் தளங்களில் கிடைக்கும் SLOVIC தயாரிப்புகள், உடற்பயிற்சியை ஆரம்பிப்பதை ஒரு ஆர்டரை இடுவது போல எளிதாக்குகின்றன.