பண்டிகைக் காலத்தை முன்னிட்டு டாடா கார்கள் சிறப்புச் சலுகைகள் அறிவிப்பு

சென்னை: பண்டிகைக் காலத்தில் குடும்பத்தினர் ஒன்றுகூடி மகிழ்ச்சியுடன் கொண்டாடும் சூழலில், நவராத்திரி மற்றும் தீபாவளி 2026 பண்டிகைகளை முன்னிட்டு, நாடு தழுவிய சிறப்புப் பராமரிப்பு முகாமை டாடா கார்கள் நிறுவனம் அறிவித்துள்ளது. நாடு முழுவதும் உள்ள அங்கீகரிக்கப்பட்ட டாடா கார் சேவை மையங்களில் தற்போது நடைபெற்று வரும் இந்த முகாம், 2026 நவம்பர் 14-ஆம் தேதி வரை நடைபெறும். இதன் மூலம் வாடிக்கையாளர்கள் தங்களது வாகனங்களைப் பண்டிகைக் காலப் பயணங்களுக்குத் தயார்படுத்திக் கொள்ளலாம்.

இம்முகாமின் ஒரு பகுதியாக, வாடிக்கையாளர்களுக்கு 30 அம்சங்களைக் கொண்ட வாகன நலப் பரிசோதனை இலவசமாக வழங்கப்படுகிறது. இதில் குளிர்சாதன வசதி, மின்கலத்தின் செயல்நிலை, டயர்கள் மற்றும் சக்கரச் சீரமைப்பு, இயந்திர எண்ணெய் மற்றும் குளிரூட்டியின் அளவுகள், மின்சார அமைப்புகள், சிஎன்ஜி எரிவாயு அமைப்புகள், மின்சார வாகனங்களுக்கான சிறப்புப் பரிசோதனைகள் உள்ளிட்ட முக்கிய அம்சங்கள் ஆய்வு செய்யப்படும்.

மேலும், உள் எரிபொருள் எரிப்பு இயந்திரம் கொண்ட வாகனங்கள் மற்றும் மின்சார வாகனங்கள் உள்ளிட்ட அனைத்து வகை வாகனங்களுக்கும், நீட்டிக்கப்பட்ட உத்தரவாதத் திட்டம், டாடா மோட்டார்ஸ் நிறுவனத்தின் அசல் வாகன உதிரிப் பொருள்கள் மற்றும் சாலையோர அவசர உதவிச் சேவை ஆகியவற்றில் 10 சதவீதக் கட்டணத் தள்ளுபடி வழங்கப்படுகிறது. நீட்டிக்கப்பட்ட உத்தரவாதத் திட்டம் மற்றும் ஆண்டுப் பராமரிப்புத் திட்டம் ஆகியவற்றுக்கும் எளிய தவணை முறையில் பணம் செலுத்தும் வசதி உள்ளது.

இந்தச் சிறப்புப் பராமரிப்பு முகாம் மூலம், வாகனப் பராமரிப்பை எளிமையாக்கி, வாடிக்கையாளர்கள் நம்பிக்கையுடனும் பாதுகாப்புடனும் பண்டிகைக் காலப் பயணங்களை மேற்கொள்ள உதவுவதை டாடா கார்கள் நிறுவனம் நோக்கமாகக் கொண்டுள்ளது.